|
Í apríl og mai vóru tvey skeið hildin við Gjógv. Annað var eitt Kvinnuskeið, hitt eitt 60+ skeið. Allir luttakarar vóru kvinnur hesaferð. Tað var Birita Nolsø, ið leiddi bæði skeiðini, í samstarvi við Gjáargarð og Greengate.
Tað var ein nemandi, vøkur og innilig ferð at vera saman við hesum deiligu kvinnum. Ein litil Vaksabloggur spurdist burtur úr. Ein annar bloggur kom beint aftaná skeiðið frá einum av luttakarunum á 60+ skeiðnum, Bergljót av Skarði. Tað var sera stuttligt at lesa, takk fyri Bergljót, at tú tók tær tíðina at deila tína uppliving ;-) Tit kunnu lesa bloggin hjá Bergljót her
Her er ein onnur lýsing frá luttakara:
"Eldraskeið v/Biritu Nolsø
Staðið við Gjógv er ein perla.
Ljóðaði spennandi, sinnisvenjing, andadráttarvenjing, kropslig venjing, venjing í náttúruni, kvirra, góður matur og hetta var í Føroyum.
Stuttligt og gevandi at møta øðrum ymiskum menniskjum.
Nógvar góðar upplivingar. Kvirran í kirkjuni var ein sterk uppliving. Túrurin við sjóvarmálan, duni av briminum, tónleikur og sangur, trøllabundin og sæl.Náttúruuppliving í kvirru, tá kom eg í djúphugsan, friður - eitt við náttúruna.
Birita er sera góður undirvísari, hevur eina deiliga rødd, gott tá vit skulu flyta úr einum sinnislag í annað , sansir, kvirra, dansur, spæl...hon er góð til at síggja og hoyra hvønn einstakan. Vit fingu góðan leskiligan mat, og hugna var eisini tíð til, drekkamunnar í millium, ikki at gloyma tær góðu pannukøkurnar og rabarbusúltutoy. Takk til allar fyri tveir ógloymiligar dagar  "
|
