Komandi tíðin hjá Vaksa er fjølbroytt, og enn er møguligt at melda til.

Hósdagin í komandi viku - 19. september - fáa suðuroyingar tveir og ein hálvan tíma við hugna og nærveru. Á hesi verkstovuni fer Birita Nolsø at hugleiða um, hvussu tú við einføldum hugburði, lættari venjing og fáum amboðum kanst fáa ein gerandisdag við meira savningarmegi, dygd, ró og stinnleika. Tú fært á ein lættan og óhátíðarligan hátt eina innleiðslu í mindfulness. Vit njóta løtuna saman við øðrum góðum fólki, gera smærri venjingar, fáa innlit og vónandi eisini onkra ah-ha kenslu.

Atgongumerki á kr 295,- keypast í Glasstovuni Café á Tvøroyri.

Lesið meira her: https://www.facebook.com/glasstovan.

Avmarkað atgongd.

Við støði í okkara egna livaða parlívi og í bókini 5 Hjertefølelser, varpa vit leygarkvøldi 28. september kl. 19-22 ljós á evnið “Eitt gott parlag”.

Hetta kvøldið er halgað pørum, ið hava fokus á áhaldandi menning og vøkstur í parlívinum.

Talan er um eitt jaligt og hugnaligt kvøld við innlitum, smáum venjingum og frálæru.

Undirvísarar eru Henrik Krag og Birita Nolsø, sum saman hava givið út bókina 5 HJERTEFØLELSER.

Tiltakið, sum verður í Glasstovuni á Velbastað, er opið og øll eru vælkomin.

Avmarkað pláss.

Kostnaður: 300 kr.
Tilmelding: info@vaksa.fo

Nøkur pláss eru tøk í hesum nýggja bólkinum fyri kvinnur. Hevur tú hug at vera partur av einum felagsskapi og arbeiða við nærveru, meditatión, rørslu, kropsvenjing, javnvág, lívsorku, náttúru og persónligari menning, so er hetta møguliga nakað fyri teg. Talan er um tríggjar sunnudagar kl. 13:00 – 17:00. Er áhugi fyri tí, ber til at skipa ein framhaldandi kvinnubólk. Avmarkað pláss. Luttøka í bólkinum gevur tær møguleikan at melda til Vetrar-Retreatið í Svínoy 21.-23. februar 2020. Lesi meira um Kvinnuretreatið her.

Kvinnubólkurin hittist hesar dagar: 6. oktober, 3. november og 8. desember.

Undirvísari er Birita Nolsø og frálæran fer fram í Glasstovuni á Velbastað.

Kostnaður: 1.400 kr. fyri allar dagarnar.
Tilmelding: info@vaksa.fo

Grundað á fleiri enn 30 ára undirvísingarroyndir: Hetta dagsskeiðið gevur tær innlit og neyva venjing innan meditatión. Vit varpa ljós á grundamboð og týðandi tættir, sum eru avgerandi fyri, at tú kanst arbeiða munadygt við mindfulness og empati-grundaða meditatión. Vit venja javnvág á ein natúrligan og haldgóðan hátt. Arbeitt verður millum annað við neyvum andadráttarvenjingum, kropstilviti og við javnvágini millum hjartað og tilvit. Skeiðið er opið og øll við áhuga kunnu luttaka, eisini luttakarar við grundvitan og venjing í hesum øki. Undirvísarar eru Birita Nolsø og Henrik Krag.

Skeiðið verður sunnudagin 10. november kl. 11:00 – 17:00 í Glasstovuni á Velbastað.

Kostnaður: 1.000 kr.
Tilmelding: info@vaksa.fo

Hetta skeiðið er skjótt fullteknað. Ársins summar retreat í Elduvík er nakað heilt serligt. Lesið meira her.